ຂ່າວ ແລະ ກິດ​ຈະ​ກຳ​ຕ່າງໆ

ທຸກໆຊາດຈະໄດ້ຮັບຄວາມເສຍຫາຍຈາກການຮຸກຮານຂອງຣັດເຊຍຕໍ່ຢູເຄຣນ

ໂດຍ ທ່ານ ນາງ ອີນາ ມາຈູລິໂອນີແຕແລະ ປອ. ປີເຕີ ເຮມ໋ອນ ໃນວັນທີ 24 ເດືອນກຸມພາ ທີ່ຜ່ານມາ, ປະທານາທິບໍດີ ປູຕິນ ວາລາດີເມຍ ຂອງປະເທດຣັດເຊຍ ໄດ້ມີຄຳສັ່ງໃຫ້ໂຈມຕີ ປະເທດຢູເຄຣນ ຢ່າງບໍ່ຍຸຕິທຳ  ແລະ ບໍ່ມີເຫດຜົນ ດ້ວຍກອງກຳລັງທະຫານຂອງຣັດເຊຍ.   ການເລືອກເຮັດສົງຄາມທີ່ໄດ້ຕຶກຕອງໄວ້ລ່ວງໜ້າໃນຄັ້ງນີ້ ຈະນຳໄປສູ່ການສູນເສຍທາງຊີວິດ ແລະ ຄວາມທຸກທໍລະມານຂອງມວນມະນຸດ.  ຣັດເຊຍພຽງຜູ້ດຽວຈະຕ້ອງຮັບຜິດຊອບຕໍ່ການສູນເສຍທາງຊີວິດ ແລະ ການທຳລາຍລ້າງໂຈມຕີ. ພວກເຮົາຂໍປະນາມໃນເງື່ອນໄຂທີ່ຮຸນແຮງທີ່ສຸດຂອງການບຸກໂຈມຕີທາງທະຫານຂອງຣັດເຊຍ ຕໍ່ຢູເຄຣນ.  ການໃຊ້ກຳລັງຮຸນແຮງ ແລະ ການບີບບັງຄັບເຊັ່ນນີ້ບໍ່ຄວນມີໃນສັດຕະວັດທີ 21.  ຣັດເຊຍ ໄດ້ເພີກເສີຍຕໍ່ການສະເໜີທາງການທູດຫລາຍຕໍ່ຫລາຍຄັ້ງ, ລວມເຖິງການເຈລະຈາເພື່ອແກ້ໄຂຂໍ້ຂັດແຍ່ງລະຫວ່າງຜູ້ນຳສີ່ປະເທດ ໃນຮູບແບບ Normandy ແລະ OSCE ກຸ່ມທະວີພາຄີ ບົນພື້ນຖານຂໍ້ຕົກລົງຂອງນະຄອນ Minsk, ທີ່ໄດ້ຮັບຮອງຢ່າງເປັນເອກະພາບໂດຍສະພາຄວາມໝັ້ນຄົງຂອງສະຫະປະຊາຊາດ .  ພວກຂ້າພະເຈົ້າຮຽກຮ້ອງໃຫ້ຣັດເຊຍຢຸດຕິການປະທະກັນໃນທັນທີ, ໃຫ້ຖອນກອງກຳລັງທະຫານຂອງຕົນອອກຈາກຢູເຄຣນ, ແລະ ເຄົາລົບຜືນແຜ່ນດິນອັນຄົບຖ້ວນ, ອະທິປະໄຕ ແລະ ເອກະລາດຂອງປະເທດຢູເຄຣນ. ພວກເຮົາມີໜ້າທີ່ຕ້ອງເວົ້າ ...
ອ່ານເພີ່ມເຕີມ»

ສ. ອາເມລິກາ ມອບມຸ້ງເຄືອບຢາ 220,314 ດາງ ໃຫ້ແກ່ ສປປ ລາວ ໃນການປ້ອງກັນພະຍາດໄຂ້ມາລາເລຍ ຊ່ວງວິກິດການ ໂຄວິດ 19

ນະຄອນຫຼວງວຽງຈັນ, ສປປ ລາວ — ທ່ານ ໄມໂຄ ຣອນນິ້ງ, ຜູ້ຕ່າງໜ້າອົງການພັດທະນາສາກົນປະເທດສະຫະລັດອາເມລິກາ ຫຼື USAID, ໄດ້ມອບມຸ້ງເຄືອບຢາຍາວນານ ຈໍານວນ 220,314 ດາງ, ມູນຄ່າ 416,393 ໂດລາສະຫະລັດ ໃຫ້ແກ່ ທ່ານ ດຣ. ໄພວັນ ແກ້ວປະເສີດ, ຮອງລັດທະມົນຕີກະຊວງສາທາລະນະສຸກ, ໃນພິທີມອບຮັບ ເຊິ່ງຈັດຂຶ້ນທີ່ນະຄອນຫຼວງວຽງຈັນ ໃນຄັ້ງວັນທີ 25 ກຸມພາ 2022.  ນີ້ແມ່ນສ່ວນໜຶ່ງຂອງການສືບຕໍ່ຊ່ວຍເຫຼືອຂອງ ສ. ອາເມລິກາ ໃຫ້ແກ່ ສປປລາວ ໃນການບັນລຸເປົ້າໝາຍແຫ່ງຊາດເພື່ອລົບລ້າງພະຍາດໄຂ້ມາລາເລຍ. ມຸ້ງເຄືອບຢາຍາວນານ ແມ່ນໄດ້ຮັບທຶນການສະໜັບສະໜູນໂດຍ ອົງການ USAID ໂດຍຜ່ານ U.S. President’s Malaria Initiative ຫຼື PMI ຈະຖືກແຈກຢາຍໄປໃຫ້ຄອບຄົວ ແລະ ຊຸມຊົນທີ່ມີຄວາມສ່ຽງ ແລະ ມີຄວາມຕ້ອງການສູງ. ໂດຍສະເພາະ, ແຂວງສະຫວັນນະເຂດ ເຊິ່ງແມ່ນແຂວງທີ່ຈະໄດ້ຮັບມຸ້ງເປັນອັດຕາສ່ວນຫຼາຍເນື່ອງຈາກເປັນແຂວງທີ່ພົບວ່າຍັງມີການລະບາດຂອງໄຂ້ມາລາເລຍສູງ. ການບໍລິຈາກ  ...
ອ່ານເພີ່ມເຕີມ»

ສະຫະລັດອາເມລິກາ ສະໜອງວັກຊີນກັນພະຍາດໂຄວິດ-19 Pfizer ຈໍານວນ 1,698,840 ໂດສ ໃຫ້ແກ່ ສປປ ລາວ

ນະຄອນຫຼວງວຽງຈັນ, ວັນທີ 26 ເດືອນມັງກອນ ປີ 2022 – ມື້ນີ້, ພິທີມອບ – ຮັບ ວັກຊີນກັນພະຍາດໂຄວິດ​–19  Pfizer BioNTech ຈໍານວນ 1,698,840 ໂດສ​ຢ່າງເປັນທາງການໃຫ້ແກ່ ສປປ ລາວ, ຊຶ່ງການ​​ຈັດສົ່ງທີ່ມາຮອດປະເທດລາວ ແມ່ນຜ່ານໂຄງການ COVAX Facility. ໂຄງການ ​COVAX ແມ່ນການນຳພາຮ່ວມກັນໂດຍອົງການ Gavi, ​ສຳພັນທະມິດ​ນະວັດຕະກໍາ​ການກຽມຄວາມພ້ອມຕໍ່​ການລະບາດຂອງພະຍາດ​ (CEPI), ແລະ ອົງການອະນາໄມໂລກ (WHO), ພ້ອມດ້ວຍອົງການ UNICEF ທີ່ເປັນຄູ່ຮ່ວມງານສໍາຄັນໃນການຈັດສົ່ງ​. ພິທີມອບ – ຮັບ ດັ່ງກ່າວໂດຍການເຂົ້າຮ່ວມ ແລະ ກ່າວຮັບ ຂອງ ພະນະທ່ານ​ ພັນຄຳ ວິພາວັນ, ນາຍົກລັດຖະມົນຕີແຫ່ງ ສປປ ລາວ  ແລະ ການກ່າວມອບ ຂອງທ່ານ ດຣ. ປີເຕີ ເຮມ໋ອນ ເອກອັກຄະລັດຖະທູດແຫ່ງສະຫະລັດອາເມິລິກາ ...
ອ່ານເພີ່ມເຕີມ»

ອົງການພັດທະນາສາກົນ ສ.ອາເມລິກາ (USAID) ສະໜັບສະໜູນ ສື່ມວນຊົນ ໃນການສົ່ງເສີມການຕ້ານການຄ້າມະນຸດ

ນະຄອນຫຼວງວຽງຈັນ, ສປປ ລາວ — ໂດຍການສະໜັບສະໜູນຂອງປະເທດສະຫະລັດອາເມລິກາ ໂດຍຜ່ານ ອົງການພັດທະນາສາກົນຂອງປະເທດສະຫະລັດອາເມລິກາ (USAID), ກົມສື່ມວນຊົນ, ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແລະ ອົງການວິນຣອກສາກົນ (Winrock International) ໄດ້ຈັດກອງປະຊຸມ ກ່ຽວກັບ ການຕ້ານການຄ້າມະນຸດ ໃຫ້ແກ່ຂະແໜງສື່ມວນຊົນ, ວັດທະນະທໍາ, ແລະ ການທ່ອງທ່ຽວ. ຈຸດປະສົງຂອງກອງ​ປະ​ຊຸມນີ້ແມ່ນ ເພື່ອ ຊ່ວຍໃຫ້​ບັນດາ​ສື່​ມວນ​ຊົນໄດ້​ເຂົ້າ​ໃຈເຖິງ​ບົດ​ບາດ​ຂອງພວກເຂົາ​ ໃນ​ການ​ຕ້ານ​ການ​ຄ້າ​ມະ​ນຸດ ແລະ​ ສະ​ໜອງ​ເຄື່ອງ​ມື​ຕ່າງໆໃຫ້​ແກ່ພວກເຂົາ. ໃຫ້ກຽດເປີດກອງປະຊຸມ ໂດຍ ທ່ານ ໂພສີ ແກ້ວມະນີວົງ, ຮອງລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ຕິດຕາມດ້ວຍ ການກ່າວເປີດກອງປະຊຸມ ໂດຍ ທ່ານ ໄມໂຄ ຣອນນິ້ງ, ຜູ້ຕາງໜ້າຈາກ ອົງການ USAID ປະຈຳ ສປປ ລາວ.  ກອງປະຊູມມີຜູ້ເຂົ້າຮ່ວມຈຳນວນ 50 ທ່ານ ...
ອ່ານເພີ່ມເຕີມ»

ວັກຊີນກັນພະຍາດໂຄວິດ-19 Pfizer ຈາກລັດຖະບານ ສ.ອາເມລິກາ ຈໍານວນ 899,730 ໂດສ ຮອດ ສປປ ລາວ ແລ້ວ

ນະຄອນຫຼວງວຽງຈັນ, ວັນ​ທີ 24 ມັງກອນ 2022  –ໃນມື້ນີ້, ສປປ ລາວ ໄດ້ຮັບວັກຊີນ Pfizer BioNTech COVID-19 ຊຸດໃໝ່ ເຊິ່ງເປັນການຊ່ວຍເຫຼືອຈາກລັດຖະບານສະຫະລັດອາເມລິກາຜ່ານໂຄງການ COVAX Facility, ໂຄງການCOVAX ແມ່ນການຮ່ວມມືກັນລະຫວ່າງ ອົງການທີ່ເປັນພັນທະມິດດ້ານວັກຊີນ ກໍຄື ອົງການກາວີ (Gavi),  ອົງການພັນທະມິດຮ່ວມມືດ້ານນະວັດຕະກໍາເພື່ອຮັບມືກັບພະຍາດລະບາດ (CEPI), ແລະ ອົງການອະນາໄມໂລກ (WHO), ໂດຍມີອົງການຢູນິເຊັບເປັນຄູ່ຮ່ວມງານສຳຄັນໃນການຈັດສົ່ງ. ການຂົນສົ່ງຄັ້ງນີ້ປະກອບດ້ວຍວັກຊີນ Pfizer BioNTech ຈຳນວນ 899,730 ໂດສ ຊຶ່ງເປັນຄັ້ງທີ 2 ໃນຈຳນວນການຊ່ວຍເຫຼືອທັງໝົດສອງຄັ້ງຈາກລັດຖະບານສະຫະລັດອາເມລິກາ ໃຫ້ແກ່ ສປປ ລາວ ໃນເດືອນນີ້. ການຂົນສົ່ງຄັ້ງທຳອິດມີຈຳນວນ 799,110 ໂດສ ໄດ້ມາຮອດ ສປປ ລາວ ໃນວັນທີ 2 ມັງກອນ 2022. ລວມຍອດການຈັດສົ່ງທັງໝົດໃນປີນີ້ແມ່ນ 1,698,840 ໂດສ. ພະນະທ່ານ ...
ອ່ານເພີ່ມເຕີມ»