ທ່ານ​ນາງ ຣີນາ ບິດເຕີ ເອກເອັກຄະລັດຖະທູດ ສະຫະລັດອາເມລິກາ ປະຈຳ ສາທາລະນະລັດ ປະຊາທິປະໄຕ ປະຊາຊົນລາວ

ເອກເອັກຄະລັດຖະທູດ ຣີນາ ບິດເຕີ, ໜຶ່ງໃນນັກການທູດອາວຸໂສ ທີ່ມີປະສົບການຫລາຍກວ່າ 20 ປີ ລວມທັງຢູ່ ວໍຊິງຕັນ ແລະ ຕ່າງປະເທດ. ກ່ອນໜ້ານີ້, ເອກເອັກຄະລັດຖະທູດ ບິດເຕີ ເປັນຫົວໜ້າກົງສຸນໃຫຍ່ຂອງສະຫະລັດ ອາເມລິກາ ປະຈຳຢູ່ ໂຮ່ຈິມິນ, ປະເທດຫວຽດນາມ. ນອກຈາກນັ້ນ, ເພິ່ນຍັງໄດ້ເປັນຫົວໜ້າສູນປະຕິບັດການຂອງກະຊວງການຕ່າງປະເທດ, ເປັນສູນກຽມພ້ອມຮັບມື ແລະ ຄຸ້ມຄອງໄພພິບັດ. ຢູ່ວໍຊິງຕັນ, ເພິ່ນໄດ້ປະຈຳການຢູ່ກອງເລຂາລັດຖະມົນຕີ ແລະ ທັງໄດ້ເປັນຜູ້ຊ່ວຍພິເສດຂອງທ່ານລັດຖະມົນຕີກະຊວງການຕ່າງປະເທດຂອງ ສ. ອາເມລິກາ ຄໍລິນ ໂພແວວ. ຫລາຍສະຖານທີ່ ທີ່ເພິ່ນເຄີຍໄປປະຈຳການລວມມີ: ອັມມານ, ລອນດອນ, ເມືອງ ແມັກຊິໂກ ແລະ ໂບໂກຕາ. ເອກເອັກຄະລັດຖະທູດ ບິດເຕີແມ່ນເຕີບໃຫຍ່ຢູ່ ດາລັສ.