ປະທານາທິບໍດີ ສະ​ຫະ​ລັດ ອາ​ເມ​ລິ​ກາ

President Donald J. Trumpທ່ານປະທານາທິບໍດີ Donald J. Trump ໄດ້ກາຍເປັນນິຍາມແຫ່ງເລື່ອງລາວຄວາມສຳເລັດຂອງສະຫະລັດອາເມລິກາ. ຕະຫຼອດຊີວິດຂອງ​ເພິ່ນ, ​ເພິ່ນໄດ້ສ້າງມາດຕະຖານທາງດ້ານທຸລະກິດ ແລະ ຄວາມເປັນເລີດທາງດ້ານການປະກອບການຢ່າງຕໍ່ເນື່ອງ ໂດຍສະເພາະ ຄວາມສົນໃຈ ທາງດ້ານອະສັງຫາລິມະຊັບ, ກິລາ ແລະ ວົງການບັນເທີງ. ພ້ອມດຽວກັນນັ້ນ, ການເຂົ້າມາມີສ່ວນຮ່ວມທາງດ້ານການເມືອງຂອງທ່ານ ໄດ້ສົ່ງຜົນໃຫ້ທ່ານໄດ້ຮັບຊະນະໃນການຊິງຕຳແໜ່ງປະທານາທິບໍດີ ເຊິ່ງຖືເປັນສິ່ງທີ່ມະຫັດສະຈັນທີ່ສຸດເພາະເປັນຄັ້ງທຳອິດໃນຊີວິດຂອງທ່ານທີ່ໄດ້ລົງສະຫມັກ.

ຫລັງຈາກສຳເລັດການສຶກສາຈາກ ໂຮງຮຽນການເງິນວໍຕັນ (Wharton School of Finance), ທ່ານ ທຣຳ ກໍໄດ້​ຈະ​ເລີນຮອຍຕາມພໍ່ຂອງ​ເພິ່ນທີ່ເປັນນັກພັດທະນາທາງດ້ານອະສັງຫາລິມະຊັບ ແລະ ຕໍ່ມາທ່ານທ​ຣຳກໍໄດ້ກ້າວເຂົ້າໄປໃນໂລກອະສັງຫາລິມະຊັບໃນລັດນິວຢອກຢ່າງແທ້ຈິງ. ສັນຍາລັກຂອງທ​ຣຳ ໄດ້ກາຍເປັນທີ່ຮູ້ຈັກ ແລະ ມີຊື່ສຽງທີ່ສຸດທົ່ວ ແມນຫັນຕັນ (Manhattan) ແລະ ທົ່ວໂລກໃນເວລາຕໍ່ມາ. ທ່ານ ທ​ຣຳ ໄດ້ຂຽນປຶ້ມທີ່ມີຊື່ສຽງ ແລະ ຂາຍດີເປັນອັນດັບຕົ້ນໆຫລາຍກວ່າ 14 ເຫຼັ້ມ “ສິ​ລະ​ປະ​ຂອງ​ການ​ຕໍ່​ລອງ” (The Art of the Deal) ເຊິ່ງ​ເປັນປື້ມເຫຼັ້ມທຳອິດ​ທີ່​ໄດ້​ຮັບ​ລາງວັນ​ດີ​ເດັ່ນ​ປື້ມ​ແຫ່ງ​ປີ, ຖືກ​ພິ​ຈາ​ລະ​ນາ​ເປັນ​ວີ​ຖີທຸ​ລະ​ກິດ​ແບບ​ຢ່າງ.  ທ່ານ ທ​ຣຳ ປະກາດສະໝັກລົງເລືອກຕັ້ງໃນວັນທີ 16 ມິຖຸນາ 2015 ພາຍຫລັງທີ່ຜູ້ລົງສະຫມັກເລືອກຕັ້ງ 17 ທ່ານຈາກພັກ ເລພາບລິກັນ (Republican) ໄດ້ປະກາດຢຸດຕິການໂຄສະນາຫາສຽງ. ຫລັງຈາກນັ້ນ,ທ່ານກໍໄດ້ຖືກສະເໜີຊື່ຈາກພັກ ເລພາບລິກັນ (Republican) ເພື່ອເຂົ້າຊິງຕຳແໜ່ງປະທານນາ​ທິ​ບໍ​ດີຂອງສະຫະລັດອາເມລິກາໃນເດືອນ ກໍລະກົດ 2016.  ເພິ່ນໄດ້ຊະນະການເລືອກຕັ້ງໃນວັນທີ 8 ພະຈິກ 2016 ດ້ວຍ​ຜົນ​ຄະ​ແນນ​ສຽງ​ສ່ວນ​ໃຫ​ຍ່ ຈາກ​​ລະ​ບົບ​ເລືອກ​ຕັ້ງ​ Electoral College ໃຫ້​ແກ່ ພັກ​ເລ​ພາບ​ລິ​ກັນ (Republican)  ໃນຮອບ 28 ປີ. ​ເພິ່ນຍາດເອົາໄຊຊະນະໄດ້ທັງຫມົດ 2,600 ເຂດປົກຄອງໃນທົ່ວປະເທດເຊິ່ງໄດ້ຫລາຍທີ່ສຸດນັບຕັ້ງແຕ່ສະໄໝຂອງທ່ານປະທານາທິບໍດີ ເຣແກນ (President Reagan) ໃນປີ 1984. ນອກຈາກນີ້, ​ເພິ່ນຍັງຊະນະ 62 ລ້ານຄະແນນສຽງຍອດນິນິຍົມ ເຊິ່ງຖືວ່າເປັນຄະແນນທີ່ສູງສຸດຕະຫຼອດການຂອງພັກ ເລພາບລິກັນ (Republican). ທ່ານ ຍັງຊະນະ 306 (Electoral Vote) ເຊິ່ງເປັນຄະແນນທີ່ໄດ້ຫຼຼາຍທີ່ສຸດນັບຕັ້ງແຕ່ສະໄໝຂອງປະທານາທິບໍດີ ຈອດບູດຊ (George H.W. Bush) ໃນປີ 1988. ຊາວອາເມລິກາຫລາຍລ້ານຄົນໄດ້ພາກັນ ສະໜັບສະໜຸນຢູ່ເບື້ອງຫລັງ​ຕໍ່​ຄຳ​ເວົ້າ​ຂອງ​ເພິ່ນ  ໃນການສ້າງສາປະເທດຊາດຄືນໃໝ່ ແລະ ຫັນປ່ຽນສະຖານະພາບທີ່ເປັນຢູ່ ເຊິ່ງຖືວ່າເປັນໄຊຊະນະຂອງປະເທດຊາດ ແລະ ການເຄື່ອນໄຫວທາງປະຫວັດສາດຢ່າງແທ້ຈິງ.

ທ່ານ Donald J. Trump ໄດ້ລົນນະລົງຫາສຽງຢູ່ໃນສະຖານທີ່ ທີ່ເພິ່ນເອງຮູ້ດີວ່າຈະປະສົບກັບຄວາມຫຍຸ້ງຍາກທີ່ຈະຊະນະການເລືອກຕັ້ງໃນຄັ້ງນີ້ຕົວຢ່າງເຊັ່ນ: ລັດ Michigan, ໂຮງຮຽນ ຊາເຕີ້ ໃນເມືອງເຄເວີແລນ, ແລະ ໂບດຊາວລາຕິນໃນລັດຟໍລິດ້າ ​ເພາະເນື່ອງຈາກວ່າເພິ່ນ​ເອງຢາກຈະສື່ຂໍ້ຄວາມກ່ຽວກັບການສ້າງຄວາມເຂັ້ມແຂງທາງດ້ານເສດຖະກິດໃຫ້ຊາວອາເມລິກາທຸກຄົນໄດ້ຮັບຮູ້. ຜູ້ສະໜັບສະໜຸນພັກເລພັບລິກັນ ຫລາຍລ້ານຄົນ ໄດ້ໃຫ້ການເຊື່ອໝັ້ນ ທ່ານທ​ຣຳ ເພາະວ່າ ​ເພິ່ນ​ເຫັນຄວາມສຳຄັນ​ທາງ​ສະ​ຖຽນ​ລະ​ພາບ ໂດຍຜ່ານການເຈລະຈາທາງດ້ານການຄ້າທີ່​ດີ​ຂື້ນ. ດ້ວຍເຫດຜົນນີ້, ທ່ານຈຶ່ງໄດ້ຮັບໄຊຊະນະໃນເຂດພື້ນທີ່ສີແດງໃໝ່. ເປັນທີ່ຊັດເ​ຈນວ່າ ໄຊຊະນະຂອງ ທ່ານປະທານາທິບໍດີ ​ທ​ຣຳ ເປັນການຮວມເອົາ​ຄົນ​ອາ​ເມ​ລິ​ກາ​ທີ່​ມີ​ພື້ນ​ຖານ​ແຕກ​ຕ່າງ​ກັນ​ໃຫ້​ເປັນ​ໜຶ່ງ​ດຽວ.  ແລະ ເພິ່ນ​ພ້ອມ​ທີ່​ຈະປະ​ຕິ​ບັດ​ໜ້າ​ທີ່​ນັບ​ແຕ່ມື້​ທຳ​ອິດ​ຂອງ​ການ​ດຳ​ລົງ​ຕຳ​ແໜ່ງ ແລະ ທຸກໆ​ມື້​ຕະ​ຫລອດ​ການ​ປະ​ຕິ​ບັດ​ໜ້າ​ທີ່.  ທ່ານປະທານາທິບໍດີ ໂດໂນ ທ​ຣຳ ໄດ້ແຕ່ງງານ​ເປັນ​ເວ​ລາ 12 ປີ, ພັນລະຍາຂອງ​ເພິ່ນ​ແມ່ນ ທ່ານນາງ ເມລານີ ​ທ​ຣຳ ແລະ ມີ​ລູກ​ຊາຍ ຊື່​ວ່າ  ແບຣອນ. ນອກຈາກນີ້, ທ່ານ ທ​ຣຳ ຍັງມີລູກທີ່​ໃຫ​ຍ່​ແລ້ວອີກ 4 ຄົນຄື:  ດອນ ເຈອາ, ອີວານກ້າ, ເອຣິກ ແລະ ທິບຟານນີ້ ພ້ອມທັງຫລານອີກ 8 ຄົນ.

Biography source: whitehouse.gov