ສູນກາງປະຊຸມສາກົນພິລິບປິ່ນ
ມານີລາ, ປະເທດພິລິບປິ່ນ
2:57 P.M. PHT
ປະທານາທິບໍດີ TRUMP: ປະທານປະເທດ Duterte, ຜູ້ນໍາທີ່ໂດດເດັ່ນ, ໝູ່ເພື່ອນ ແລະ ຄູ່ຮ່ວມງານຕ່າງໆ: ຂ້າພະເຈົ້າຂໍຖືເປັນກຽດທີ່ໄດ້ເປັນຕົວແທນປະເທດສະຫະລັດອາເມລິກາໃນກອງປະຊຸມສຸດຍອດອາຊຽນ-ສະຫະລັດອາ ນີ້. ພວກເຮົາເຕົ້າໂຮມກັນໃນມື້ນີ້ ໃນເວລາຂອງຄໍາສັນຍາ ແລະ ສິ່ງທີ່ທ້າທາຍທີ່ຍິ່ງໃຫຍ່.
ຂ້າພະເຈົ້າເວົ້າກັບທ່ານໃນນາມຂອງປະຊາຊົນຊາວອາເມຣິກາ 350 ລ້ານຄົນ ພ້ອມດ້ວຍຂໍ້ຄວາມທີ່ເປັນມິດ ແລະ ການຮ່ວມມື. ຂ້າພະເຈົ້າຢູ່ທີ່ນີ້ເພື່ອກ້າວໄປສູ່ສັນຕິພາບ, ເພື່ອສົ່ງເສີມຄວາມປອດໄພ ແລະ ເຮັດວຽກຮ່ວມກັບທ່ານ ເພື່ອເປີດກ້ວາງການຄ້າເສລີໃນອິນໂດ – ປາຊີຟິກ ໃຫ້ປະກົດຜົນເປັນຈິງ, ທີ່ພວກເຮົາພາກຄວາມພູມໃຈແລະ ພວກເຮົາມີປະເທດທີ່ມີອຳນາດອະທິປະໄຕ, ແລະພວກເຮົາທຸກຄົນຕ້ອງການຄວາມຈະເລີນຮຸ່ງເຮືອງ.
ໃນປີນີ້ ພວກເຮົາສ້າງຂີດໝາຍ 40 ປີແຫ່ງມິດຕະພາບແລະ ການຮ່ວມມືລະຫວ່າງສະຫະລັດ ແລະ ອົງການຈັດຕັ້ງນີ້. ມັນເປັນເວລາດົນນານ. ຂ້າພະເຈົ້າຍັງຕ້ອງການສະແດງຄວາມຊົມເຊີຍຕໍ່ອາຊຽນໃນວັນຄົບຮອບ 50 ປີຂອງການສົ່ງເສີມຄວາມສະຫງົບແລະ ຄວາມຈະເລີນຮຸ່ງເຮືອງ ແລະ ຄວາມໝັ້ນຄົງໃນອາຊີຕາເວັນອອກສ່ຽງໃຕ້ ແລະ ໃນພາກພື້ນອິນໂດ – ປາຊີຟິກ.
ທ່ານ Rodrigo, ຂ້າພະເຈົ້າຂໍຊົມເຊີຍທ່ານກ່ຽວກັບຜົນສໍາເລັດຂອງທ່ານໃນການເປັນປະທານອາຊຽນໃນຊ່ວງເວລາທີ່ສໍາຄັນທີ່ສຸດນີ້ ແລະ ໃນປະຫວັດສາດຂອງປະຊາຄົມ — ເຫດການສໍາຄັນດັ່ງກ່າວ. ແລະ ຂ້າພະເຈົ້າຂໍຂອບໃຈທ່ານສໍາລັບການຕ້ອນຮັບອັນຍິ່ງໃຫຍ່ຂອງທ່ານ.
ແລະ ການສະແດງໃນຄືນທີ່ຜ່ານມາ, ພອນສະຫວັນທີ່ສະແດງໃຫ້ເຫັນ — ຂ້າພະເຈົ້າຄິດວ່າສ່ວນຫລາຍແມ່ນມາຈາກປະເທດຟີລິບປິນ — ໜ້າອັດສະຈັນ. ຂອບໃຈ. ແລະ ທ່ານວິເສດ, ຫຼາຍໆ, ແຖມຍັງມາຈາກປະເທດຟີລິບປິນ. (ສຽງຕົບມື.) ພວກເຮົາບໍ່ສາມາດບອກໄດ້ເຖິງຄວາມແຕກຕ່າງ. (ສຽງຫົວ.)
ຂ້າພະເຈົ້າສົ່ງການທັກທາຍທີ່ອົບອຸ່ນເຖິງປະຊາຊົນຊາວພິລິບປິ່ນ ຈາກປະຊາຊົນຊາວສະຫະລັດ.
ຂ້າພະເຈົ້າຍັງຕ້ອງຂໍຂອບໃຈນາຍົກລັດຖະມົນຕີ Najib ຂອງມາເລເຊຍ ທີ່ເປັນຜູ້ປະສານງານທີ່ດີຫຼາຍ, ແລະຂ້າພະເຈົ້າພໍໃຈຫຼາຍ. ທ່ານໄດ້ປະສານງານທີ່ດີກັບພວກເຮົາຕະຫຼອດມາ.
ເປັນເວລາຫ້າທົດສະວັດ, ອົງການຈັດຕັ້ງນີ້ໄດ້ນໍາເອົາການປະຊຸມໃຫຍ່ອັນສໍາຄັນຂອງປະເທດເພື່ອສ້າງຄວາມເອກະສັນ ກ່ຽວກັບບັນຫາທີ່ສໍາຄັນທີ່ກຳລັງປະເຊີນຢູ່ໃນພາກພື້ນ ແລະ ໃນໂລກ. ທ່ານໄດ້ສ້າງກອງປະຊຸມ ເພື່ອທຸກໆຊາດທີ່ປັກຫຼັກຢູ່ໃນ ພາກພື້ນອິນໂດ-ປາຊີຟິກໄດ້ຮັບຟັງ, ຮຽນຮູ້ ແລະພັດທະນາວິທີແກ້ໄຂບັນຫາທົ່ວໄປຜ່ານການປຶກສາຫາລືດ້ານຍຸດທະສາດ.
ສະຫະລັດຍັງຍືດໝັ້ນຕໍ່ພາລະກິດທີ່ເປັນສູນກາງຂອງອາຊຽນ ເປັນກອງປະຊຸມພາກພື້ນສໍາລັບການຮ່ວມມືທັງໝົດ. ການຮ່ວມມືດ້ານການທູດນີ້ໄດ້ເສີມຂະຫຍາຍຄວາມປອດໄພ ແລະ ຄວາມຈະເລີນຮຸ່ງເຮືອງຂອງປະຊາຊົນຊາວອາເມລິກາ ແລະ ປະຊາຊົນທຸກຄົນຂອງບັນດາປະເທດອິນໂດ – ປາຊີຟິກທັງຫມົດ.
ໃນທົດສະວັດປະຈຸບັນ, ທຸກໆປະເທດໃນພາກພື້ນໄດ້ສ້າງສະມາຄົມທີ່ເຂັ້ມແຂງ, ເສດຖະກິດທີ່ແຂງແຮງ ແລະ ການສື່ສານຂອງປະຊາຄົມທີ່ຈະແຈ້ງ. ພາກພູມໃຈຫຼາຍ– ທັງໝົດທັງມວນ ພູມໃຈ, ຕະຫຼອດໄປ–ຂອງມໍລະດົກພວກເຂົາ ແລະ ເຊື່ອໝັ້ນໃນສິ່ງທີ່ພວກເຂົາເປັນ.
ມື້ນີ້, ພວກເຮົາສະເຫຼີມສະຫຼອງຜົນສຳເລັດທີ່ຍິ່ງໃຫ່ຍ ຂອງພວກທ່ານ, ແລະ ພວກເຮົາຍັງຈະຊອກຫາຄວາມເປັນຫຸ້ນສ່ວນທາງດ້ານເສດຖະກິດບົນພື້ນຖານຄວາມຍຸຕິທຳ ແລະຜົນຕອບແທນ. ດັ່ງທີ່ໂລກໄດ້ຮັບຮູ້, ສະຫະລັດ, ນັບແຕ່ການເລືອກຕັ້ງຂອງພວກເຮົາໃນວັນທີ 8 ພະຈິກ ໄດ້ເຮັດໃຫ້ພື້ນຖານດ້ານເສດຖະກິດກ້າວໄປຂ້າງໜ້າຢ່າງສະຫຼາດ. ພວກເຮົາມີຕະຫຼາດຫຸ້ນທີ່ມີຍອດສູງທີ່ສຸດ ທີ່ພວກເຮົາເຄີຍມີມາ. ພວກເຮົາມີການຫວ່າງງານທີ່ຕໍ່າສຸດໃນ 17 ປີ. ມູນຄາຂອງຮຸ້ນ
ແລະ ບໍລິສັດຕ່າງໆກໍາລັງເຄື່ອນຍ້າຍເຂົ້າສະຫະລັດ. ຫຼາຍໆບໍລິສັດກໍາລັງເຄື່ອນຍ້າຍ. ພວກເຂົາກໍາລັງເຄື່ອນຍ້າຍກັບຄືນ. ພວກເຂົາຕ້ອງການເຮັດທຸລະກິດຢູ່ທີ່ນັ້ນ. ລະດັບຄວາມກະຕືລືລົ້ນເປັນລະດັບສູງທີ່ສຸດທີ່ ເຄີຍໄດ້ບັນທຶກໄວ້ໃນແຜນຜັງ. ດັ່ງນັ້ນ ພວກເຮົາມີດີໃຈຫຼາຍກ່ຽວກັບເລື່ອງນັ້ນ, ແລະ ພວກເຮົາຄິດວ່າມັນເປັນສິ່ງທີ່ດີ ສໍາລັບພາກພື້ນຂອງທ່ານເພາະວ່າພວກເຮົາມີສາຍພົວພັນທີ່ດີຕໍ່ກັນ.
ດັ່ງນັ້ນ, ພວກເຮົາຕ້ອງການຄູ່ຮ່ວມງານຂອງພວກເຮົາໃນພາກພື້ນໃຫ້ມີຄວາມເຂັ້ມແຂງ, ເປັນເອກະລາດ ແລະ ມີຄວາມຈະເລີນຮຸ່ງເຮືອງ, ໃນການຄຸ້ມຄອງຈຸດໝາຍຂອງຕົນເອງ ແລະ ດາວທຽມທີ່ບໍ່ເພື່ອໃຜ. ເຫຼົ່ານີ້ແມ່ນຫຼັກການທີ່ຢູ່ເບື້ອງຫລັງວິໄສທັດຂອງພວກເຮົາສໍາລັບການເປີດກວ້າງການຄ້າເສລີອິນໂອ-ປາຊີຟິກ..
ສະນັ້ນອີກເທື່ອໜຶ່ງ, ຂ້າພະເຈົ້າຕ້ອງການໃຫ້ທ່ານທັງໝົດໂຊກດີ. ມັນເປັນກຽດທີ່ໄດ້ຢູ່ທີ່ນີ້. ແລະ, ທ່ານ Rodrigo, ຂໍຂອບໃຈທ່ານຫຼາຍ ສໍາລັບການເບິ່ງແຍງຕໍ່ພວກເຮົາທັງໝົດ. ຂອບໃຈ. (ສຽງຕົບມື.)
ຈົບ 3:02 P.M. PHT
