ສະ​ຖານ​ທູດ ສະ​ຫະ​ລັດ ອາ​ເມ​ລິ​ກາ ປະ
ຈຳ ສ​ປ​ປ ລາວ

ພາບລວມ

ການບໍລິການຮັບຮອງເອກະສານ ແມ່ນເປີດໃຫ້ກັບບຸກຄົນທຸກສັນຊາດ ແຕ່ຕ້ອງຜ່ານການນັດໝາຍເທົ່ານັ້ນ. ໂດຍທົ່ວໄປແລ້ວ, ເອກະສານທີ່ຈະນຳມາຮັບຮອງ ແມ່ນໃຊ້ງານສະເພາະທີ່ສະຫະລັດອາເມລິກາ ເຖິງແມ່ນວ່າຈະມີຂໍ້ຍົກເວັ້ນໃນບາງກໍລະນີ. ຖ້າທ່ານມີເອກະສານຈຳນວນຫຼາຍທີ່ຕ້ອງການຮັບຮອງ, ທ່ານຄວນຈອງຄິວການນັດໝາຍຂອງຕົນເອງ. ເມື່ອຮອດມື້ນັດໝາຍ, ທ່ານຕ້ອງໄດ້ຈ່າຍຄ່າທຳນຽມຢູ່ພະແນກກົງສຸນ ຈຳນວນ 50 ໂດລາ ຕໍ່ການປະທັບກາຮັບຮອງ 1 ຄັ້ງ.

ສິ່ງທີ່ທ່ານຄວນປະຕິບັດໃນມື້ນັດໝາຍ:

• ໃຫ້ທ່ານນຳເອົາເອກະສານທີ່ສົມບູນ ແລະ ຍັງບໍ່ລົງລາຍເຊັນ ມາລົງປະທັບກາຮັບຮອງ. ເຖິງແມ່ນວ່າພາຍໃນເອກະສານຈະມີບາງໜ້າທີ່ບໍ່ຕ້ອງການລົງລາຍເຊັນ ຫຼື ປະທັບກາ, ແຕ່ທ່ານກໍຕ້ອງໄດ້ຍື່ນເອກະສານສະບັບເຕັມໃຫ້ກັບພວກເຮົາ.
• ທ່ານຕ້ອງສະແດງເອກະສານຢັ້ງຢືນຕົວຕົນທີ່ອອກໃຫ້ໂດຍລັດຖະບານເຊັ່ນ: ໜັງສືຜ່ານແດນ ຫຼື ໃບຂັບຂີ່. ຊື່ແຈ້ງຢູ່ໃນເອກະສານຕ້ອງເປັນຊື່ດຽວກັນກັບເອກະສານຢັ້ງຢືນຕົວຕົນຂອງທ່ານ
• ຊຳລະຄ່າທຳນຽມຈຳນວນ 50 ໂດລາ ຕໍ່ 1 ການປະທັບກາຮັບຮອງ.
• ທ່ານຕ້ອງມີສະຕິຕື່ນຕົວ ແລະ ມີຄວາມເຂົ້າໃຈໃນເອກະສານທີ່ທ່ານຕ້ອງການຮັບຮອງ. ເຈົ້າໜ້າທີ່ພະແນກກົງສຸນ ຈະບໍ່ໄດ້ຮັບອະນຸຍາດໃຫ້ອະທິບາຍເນື້ອໃນຕ່າງໆໃຫ້ແກ່ທ່ານ.
• ຖ້າວ່າການຮັບຮອງເອກະສານຂອງທ່ານຕ້ອງການໃຫ້ມີພະຍານຮັບຮູ້, ທ່ານຕ້ອງໄດ້ຈັດການຫາພະຍານດ້ວຍຕົນເອງ. ເຈົ້າໜ້າທີ່ພະແນກກົງສຸນ ບໍ່ສາມາດເປັນພະຍານໃນເອກະສານຂອງທ່ານໄດ້.

ຕົວຢ່າງຂອງການບໍລິການຮັບຮອງເອກະສານທີ່ບໍ່ເສຍຄ່າໃຊ້ຈ່າຍ

DS-3053: ເພື່ອຮັບຮອງເອກະສານ DS-3053 ເອກະສານຍິນຍອມກ່ຽວກັບການອອກໜັງສືຜ່ານແດນສະຫະລັດອາເມລິກາໃຫ້ກັບເດັກນ້ອຍອາຍຸຕ່ໍາກວ່າ 16 ປີ (PDF, 345K), ກະລຸນາກວດເບິ່ງຄໍາແນະນໍາທີ່ລະບຸໄວ້ໃນຟອມ, ຕື່ມຂໍ້ມູນລາຍລະອຽດຕ່າງໆໃສ່ໃນເອກະສານໃຫ້ຄົບຖ້ວນ ແລະ ນໍາເອົາບັດປະຈໍາຕົວສະບັບຈິງທີ່ອອກໃຫ້ໂດຍລັດຖະບານ ພ້ອມທັງສໍາເນົາເອກະສານທັງສອງດ້ານຂອງບັດປະຈໍາຕົວມາພ້ອມ. ເນື່ອງຈາກວ່າ ກະຊວງການຕ່າງປະເທດສະຫະລັດອາເມລິກາ ເປັນຜູ້ກໍານົດໃຫ້ຈໍາເປັນຕ້ອງມີການຮັບຮອງເອກະສານ DS-3053. ສະນັ້ນການບໍລິການດັ່ງກ່າວແມ່ນຈະບໍ່ໄດ້ເສຍຄ່າໃຊ້ຈ່າຍໃດໆ.

ຜູ້ຕາງໜ້າ (ວ່າດ້ວຍເລື່ອງໃບສະໝັກເຮັດໜັງສືຜ່ານແດນສະຫະລັດອາເມລິກາ): ໃນເວລາທີ່ຜູ້ປົກຄອງບໍ່ສາມາດມາລົງທະບຽນເຮັດໜັງສືຜ່ານແດນໃຫ້ລູກໄດ້ດ້ວຍຕົນເອງ ແລະ ຕ້ອງການໃຫ້ມີບຸກຄົນທີ່ສາມມາດໍາເນີນການແທນ ແມ່ນສາມາດເຊັນມອບອໍານາດໃຫ້ແກ່ຜູ້ຕາງໜ້າ (POA) ກ່ອນໜ້າຜູ້ຮັບຮອງເອກະສານ. ເອກະສານມອບອໍານາດສະບັບນີ້ຕ້ອງປະກອບມີຂໍ້ມູນຈໍາເພາະ; ສາມາດເບິ່ງຕົວຢ່າງໄດ້ທາງດ້ານລຸ່ມ. ໝາຍເຫດ: ເອກະສານມອບອໍານາດໃຫ້ຜູ້ຕາງໜ້າ (POA) ຕ້ອງມີສໍາເນົາເອກະສານບັດປະຈໍາຕົວທັງສອງດ້ານຄັດຕິດມານໍາ. ເນື່ອງຈາກວ່າ ກະຊວງການຕ່າງປະເທດສະຫະລັດອາເມລິກາ ເປັນຜູ້ກໍານົດໃຫ້ຈໍາເປັນຕ້ອງມີການຮັບຮອງເອກະສານດັ່ງກ່າວ ຈຶ່ງເຮັດໃຫ້ການບໍລິການແມ່ນບໍ່ໄດ້ເສຍຄ່າໃຊ້ຈ່າຍໃດໆ.

ອີງຕາມການຮ້ອງຂໍຂອງອໍານາດການປົກຄອງຂັ້ນເມືອງ, ລັດ ຫຼື ລັດຖະບານກາງສະຫະລັດອາເມລິກາ

ອີງຕາມການຮ້ອງຂໍຂອງລັດຖະບານຕ່າງປະເທດ